Validacións doutro título ou certificación
A vía de obtención do certificado ComDix por validación permite acreditar un nivel de competencias dixitais a partir da posesión de formacións, certificacións ou titulacións previas que acrediten de forma parcial os coñecementos e habilidades propios dun nivel de certificación ComDix.
- Estas validacións non son automáticas e están suxeitas aos criterios e procedementos establecidos na normativa vixente en cada momento.
- No caso de que a formación previa non aborde a totalidade das competencias esixidas, será necesario completar o proceso de certificación mediante unha proba específica ou unha formación complementaria, co fin de garantir a acreditación completa do nivel correspondente.
Validación "De CODIX a ComDix iniciación"
Cidadanía
-
A través: Rede de Centros para a Modernización e Inclusión Tecnolóxica (CeMIT).
-
Contido formativo troncal: 60h (1 Curso).
-
Requisitos de acceso: Dispoñer do certificado CODIX (equivalente a 190 h).
-
Modalidade: Autoformación con titorización reactiva.
-
Avaliación: proba final síncrona e en liña ao finalizar o curso.
Convocatorias CeMIT
Persoal da Administración Pública
-
A través: Escola Galega da Administración Pública (EGAP).
-
Contido formativo troncal: 60h (1 Curso).
-
Requisitos de acceso: Dispoñer do certificado CODIX (equivalente a 190 h).
-
Modalidade: Titorizada con aproveitamento activo.
-
Avaliación: proba final síncrona e en liña ao finalizar o curso.
Sistema Educativo Galego
A validación require dispoñer de algunha das seguintes titulacións e, ademais, superar unha proba específica da área 4 “Seguridade e privacidade”, para completar todas as competencias contempladas no Marco Galego de competencias dixitais.
Validación do ComDix Intermedio
- Alumnado titulado en 2º de Bacharelato.
- Alumnado titulado en 2º de Bacharelato para persoas adultas.
- Alumnado titulado en ciclos formativos de grao medio.
*Dispoñible para determinados estudos referenciados no Documento de Bases, tras a análise comparativa dos currículos educativos coas áreas establecidas no marco ComDix.
As vías de validación por outras formacións e titulacións iranse ampliando de maneira progresiva, a medida que se vaia actualizando o Documento de Bases que desenvolve o Marco Galego, co obxectivo de incorporar os cambios nas tecnoloxías, nos coñecementos, nas competencias e nas aptitudes.
Equivalencia
A vía de certificación por equivalencia consiste na acreditación de que a persoa ten os coñecementos e habilidades propios do nivel de certificación ao que se presenta, mediante a xustificación de ter superado algunhas certificacións ou titulacións que cubran as áreas de dominio e competencias consideradas no ComDix.
Polo momento, a vía de certificación por equivalencia só está dispoñible para o alumnado do Sistema Educativo Galego.
Sistema Educativo Galego
A equivalencia establécese de maneira directa segundo o nivel educativo do alumnado e a súa titulación comportará a obtención de oficio do certificado ComDix no nivel correspondente.
Equivalencia do ComDix Iniciación
Alumnado que obteña o título nos seguintes estudos:
- Alumnado de 4º da ESO.
- Alumnado de 4º da ESO para persoas adultas.
- Alumnado de ciclos formativos de grao básico.
Equivalencia do ComDix Intermedio
Alumnado que obteña o título nos seguintes estudos:
- Ciclos formativos de grao medio e de grao superior.
- Cursos de especialización de grao superior.
- Ciclos formativos de artes plásticas e deseño de réxime expecial.
* A vía de equivalencia só está dispoñible para determinados estudos referenciados no Documento de Bases, tras a análise comparativa dos currículos educativos coas áreas establecidas no marco ComDix.