Validación CODIX (curso ponte persoal da Administración Pública)
O persoal da Administración Pública que dispoña da anterior Certificación galega en competencias dixitais en ofimática (CODIX) xa acreditan dispor de varias das competencias dixitais identificadas por ComDix no seu nivel iniciación.
O novo Marco Galego inclúe o desenvolvemento de 21 competencias dixitais polo que a equivalencia entre a certificación CODIX e ComDix non é completa sendo necesario completar e acreditar o coñecemento destas competencias.
O curso ponte trátase dunha acción formativa:
Titorizada, que requirirá realizar unha serie de actividades complementarias para cada un dos contidos lectivos.
De duración aproximada de 60h.
Esixirá a superación dunha proba final síncrona e en liña, en forma de cuestionario e a realizar entre 3 e 7 días despois da finalización do último módulo que permitirá avaliar aquelas competencias non incluídas na certificación CODIX.
A superación da acción formativa + a verificación de dispoñer do certificado CODIX implicará a obtención do ComDix Iniciación.*
* Pendente de que se aprobe e publique a normativa correspondente.
Máis información dispoñible a través da Intranet da Xunta de Galicia
(*) Acceso restrinxido só ao persoal da Administración Pública
Dúbidas máis frecuentes
Plan formativo da Escola Galega da Administración Pública (EGAP)
