Que é a proba de certificación?
A proba de certificación é unha das vías oficiais para obter o ComDix.
Consiste na superación dunha proba que acredita que dispós dos coñecementos, habilidades e aptitudes dixitais correspondentes a un nivel determinado.
Permite obter a certificación sen necesidade de realizar formación previa, aínda que podes prepararte con contidos formativos voluntarios.
Como é a proba?
A proba realízase de forma presencial na aula e en contorno dixital.
CARACTERÍSTICAS PRINCIPAIS
- Cuestionario de entre 63 preguntas.
- Duración máxima: 90 minutos.
- Diferentes tipos de preguntas: resposta única ou múltiple, arrastrar e soltar, relacionar elementos, etc.
- As respostas incorrectas non penalizan.
- Podes elixir o idioma: galego ou castelán.
CRITERIOS DE AVALIACIÓN
- Superar polo menos o 70% do total de preguntas.
- Superar un 60% en cada área de competencia (niveis iniciación e intermedio).
QUE SE AVALÍA?
A proba avalía as competencias do Marco Galego de Competencias Dixitais, aliñado co modelo europeo DigComp.
Estrutúrase en 5 áreas clave:
- Información e datos
- Comunicación e colaboración
- Creación de contido dixital
- Seguridade
- Resolución de problemas
En total, avalíanse 21 competencias dixitais distribuídas nestas áreas.
Queres ver como é a proba antes de presentarte?
Accede á demo e familiarízate co contorno e cos tipos de preguntas que atoparás ese día.
A demo non ten efectos avaliativos nin garda resultados: é un espazo de práctica para que poidas prepararte con seguridade.
Como inscribirme se son...
...cidadán/á?
Se es cidadán/á, podes acceder á inscrición para a proba a través da Rede CeMIT.
Proceso habitual:
- Consulta as convocatorias dispoñibles.
- Realiza a solicitude de inscrición dentro do prazo.
- Asignación de prazas (pode incluír sorteo en caso de alta demanda).
- Formalización da túa participación na proba.
- Publicación da listaxe final de persoas inscritas a través da Rede CeMIT.
Lembra: As probas realízanse de forma presencial en aulas CeMIT e están dirixidas a persoas maiores de 16 anos.
...empregado/a público/a?
Se formas parte da administración pública, o acceso á inscrición á proba realízase a través da EGAP (Escola Galega de Administración Pública).
Como funciona:
- A EGAP publica as súas propias convocatorias.
- A inscrición realízase dentro dos procesos formativos do persoal público.
- As probas están adaptadas ao contexto da administración.
Consulta as próximas convocatorias na páxina da EGAP.
