En que consiste?
O novo Marco Galego inclúe o desenvolvemento de 21 competencias dixitais polo que a equivalencia entre a certificación CODIX e ComDix non é completa, sendo necesario completar e acreditar o coñecemento destas competencias a través dun curso ponte que aborda e completa as competencias non cubertas pola certificación CODIX.
O curso formativo, ofertarase na plataforma de teleformación da Rede CeMIT con actividades e tarefas autocorrectivas, cuestionarios de módulo e canle de resolución de dúbidas.
Como funciona?
CARACTERÍSTICAS
A cidadanía con CODIX que decida optar a conseguir o certificado ComDix Iniciación mediante este itinerario -ofertado a través da Rede CeMIT- deberá completar unha acción formativa:
- en modalidade autoformación
- con titorización reactiva
- dunha duración de 60 horas.
AVALIACIÓN
Para superar o curso será obrigatorio:
- Completar as tarefas e cuestionarios (en formato autocorrección)
- Superar o cuestionario final en liña de 30 preguntas.
CERTIFICACIÓN
A superación do curso, da dereito a obtención da certificación ComDix nivel iniciación.
Pasos para obter a validación
Dispoñer do certificado CODIX
Este dato certificarase pola Administración e é requisito fundamental para participar na convocatoria.
Apuntarse na convocatoria
Seguindo as indicacións da propia convocatoria publicada no DOG ao efecto.
Realización do contido do curso
Superando as actividades prácticas e cuestionarios.
Superación da proba final
Superado o curso, farase a proba final e unha vez aprobada emitirase o certificado ComDix.
Acceso convocatorias