En que consiste?
Fórmate en liña dende onde queiras e ao teu ritmo para obter a certificación ComDix en competencias dixitais.
Itinerario formativo dispoñible na plataforma de teleformación da Rede de Centros para a Modernización e Inclusión Tecnolóxica (CeMIT)* composto de varios cursos con actividades prácticas e cuestionarios finais.
Estes contidos facilitan a preparación das materias e consolidación a dos coñecementos antes de presentarse á proba de certificación.
Como funciona?
ITINERARIO FORMATIVO
- Contidos en liña en réxime de autoformación, para que te formes ao teu ritmo e con flexibilidade de aprendizaxe.
- Acceso con automatriculación sempre aberto na plataforma de teleformación da Rede CeMIT.
- Composto por 6 cursos que abarcan as áreas de coñecemento que compoñen a certificación.
- Estes cursos facilitan a preparación dos contidos antes de presentarse á proba de certificación ComDix.
AVALIACIÓN
- Non é necesario superar nin completar todo o itinerario formativo, nin seguir por orde numérica o mesmo para presentarse ás probas de certificación ComDix.
- Ao remate de cada un dos cursos podes obter un diploma de aproveitamento mediante a superación dun exame final presencial nunha aula da rede CeMIT. Este diploma emítese pola formación realizada, non é o certificado ComDix.
*A obtención da certificación galega en competencias dixitais (ComDix) require realizar e superar a proba de certificación presencial, que se convocará a través da súa publicación no Diario Oficial de Galicia en diversas localidades con aula CeMIT.
Como é a experiencia de aprendizaxe?
Aprendes ao teu ritmo, sen horarios, con acceso desde calquera lugar.
A quen vai dirixida?
A toda a cidadanía maior de 16 anos que queira mellorar as súas competencias dixitais básicas a través dunha formación ao seu ritmo e sen titorización ni seguimiento, para prepararse para a proba de certificación ComDix.
Como inscribirse?
- Accede á plataforma de teleformación. Lembra! É necesario estar dado de alta como usuario CEMIT.
- Selecciona o curso ComDix desexado.
- Supera a formación superando as actividades e cuestionarios do curso.
Que obteño?
Ao superar a cada un dos cursos podes obter un Diploma de aproveitamento coa acreditación das horas realizadas e das competencias adquiridas, mediante a superación dun exame final presencial nunha aula da rede CeMIT.
Obtén o certificado ComDix!
Se tras esta formación queres obter a certificación ComDix, podes facelo revisando as convocatorias abertas neste momento.