Cursos con aproveitamento activo e avaliación continua (só para persoal da Administración Pública)
Na plataforma da Escola Galega da Administración Pública (EGAP) están dispoñibles distintos cursos formativos en modalidade de teleformación titorizada. Estes cursos permitirán a formación nas distintas temáticas e áreas de dominio do Marco Galego de competencias dixitais, e obter o certificado ComDix correspondente, unha vez superados todos os cursos que correspondan a un determinado itinerario formativo completo.
Formación en competencias dixitais:
Cursos con avaliación continua mediante actividades prácticas e cuestionarios en liña que facilitarán a aprendizaxe e asegurarán o afianzamento dos coñecementos. Contarán coa participación dunha persoa titora para reforzar os procesos de avaliación activa e cualificación das actividades, respondendo ás dúbidas e axudando no proceso de consolidación dos coñecementos.
Obtención do ComDix:
Aqueles que desexen obter o certificado ComDix, deberán cursar e superar todos os cursos que compoñan o itinerario que corresponda a cada nivel. Para iso é necesario solicitar praza en cada unha das convocatorias que vaian saíndo (inscrición a través da plataforma da Escola Galega da Administración Pública (EGAP).
Para optar a facer un dos cursos nesta modalidade, só hai que:
Acceder á web da Escola Galega da Administración Pública (EGAP)
Clicando no botón accede directamente á oferta de cursos.
Matricúlate no curso desexado
Unha vez que identifique o curso que máis se adapte ás túas necesidades, comproba se o seu prazo de inscrición está aberto.
Supera cada curso
Se resultas seleccionado no curso, poderás formarte en liña, realizando as distintas actividades e cuestionarios previstos, incluíndo unha proba final de avaliación tamén en liña.
Obtén o diploma de aproveitamento
Superado o curso, emitirase un diploma de aproveitamento que poderás descargar desde a túa área de matrícula.
