Formación titorizada
Fórmate en liña en competencias dixitais, co acompañamento dunha persoa titora que te axudará na resolución de dúbidas e o afianzamento dos coñecementos.
Itinerario formativo dispoñible na plataforma de teleformación da Rede de Centros para a Modernización e Inclusión Tecnolóxica (CeMIT)* composto de varios módulos co actividades prácticas e cuestionarios finais.
* É necesario estar dado de alta como usuario CEMIT
Titorización: Dinamización e resolución de dúbidas pola persoa titora durante a realización do curso na plataforma.
Duración aproximada: 5 meses (250h).
Coñece o plan formativo ComDix iniciación (*):
(*) Ata o momento, só está dispoñible o nivel iniciación de certificación ComDix
INICIO
Empezamos! Que nivel de competencias dixitais teño? Introdución ao Marco galego de Competencias dixitais
CURSO 1
Coñece a contorna dixital
CURSO 2
Ten a información dixital sempre a man: buscar, seleccionar e gardar
CURSO 3
Tecnoloxías dixitais para conversar, compartir e colaborar
CURSO 4
Participa na sociedade dixital: as vantaxes da administración electrónica
CURSO 5
Crea contidos dixitais con ferramentas ofimáticas e multimedia
CURSO 6
Atopa o benestar social: Tecnoloxía con "sentidiño"
Estes seis cursos (máis o curso inicial en autoformación) completan o itinerario formativo “ComDix Iniciación” . Non é preciso seguir un orde concreto á hora de facer os sucesivos cursos, aínda que si é recomendable empezar facendo o curso en autoformación "Empezamos! Que nivel de competencias dixitais teño? Introdución ao Marco galego de Competencias dixitais".
Pasos a seguir para a formación ComDix
1/ Apuntarse no curso formativo
A través da convocatoria correspondente publicada no DOG.
2/ Seleccionar a sede para a proba de certificación
Preinscribirse seleccionando o lugar e hora da convocatoria de interese.
3/ Sorteo entre as persoas prerrexistradas
De entre todas as persoas candidatas, realizarase un sorteo tendo en conta o número total de prazas dispoñibles na convocatoria en cuestión.
4/ Finalizado o prazo de preinscrición
As persoas inscritas recibirán un correo informativo se foron aceptadas.
Se non foron aceptadas, pasarán a formar parte dunha lista de espera (renuncias ou persoas admitidas que non fagan efectivo en prazo e forma o pago correspondente).
5/ Realización do curso e superación da proba
Tras a superación do curso formativo, realizarase a proba final na que será apta aquela persoa que supere o 70% das preguntas totais, e ademais supere o 60% das preguntas referentes a cada unha das 5 áreas.
